ტრენინგი ტერორიზმის და ძალადობრივი ექსტრემიზმის შესახებ
საქართველოს სტრატეგიის და განვითარების ცენტრის (GCSD) მიერ ორგანიზებული ორდღიანი ტრენინგი, ტერორიზმის და ძალადობრივი ექსტრემიზმის შესახებ დასრულდა.
ტრენინგში მონაწილეობდნენ ტერორიზმის წინააღმდეგ ბრძოლის ეროვნული სტრატეგიის შემუშავებისა და მონიტორინგის მუდმივმოქმედი უწყებათაშორისი კომისიის შემადგენლობაში შემავალი თემატური სამუშაო ჯგუფების წარმომადგენლები.
ტრენინგი კონტრორიზმის და ძალადობრივი ექსტრემიზმის მიმართულებით საერთაშორისო ექსპერტმა უილიამ ფარელმა ჩაატარა. ტრენინგის პირველი დღე, ტერორიზმის და ძალადობრივი ექსტრემიზმის მიმართულებით არსებულ ძირითად თეორიებს და კონცეფციების განმარტებას დაეთმო. მეორე დღეს, ტრენინგის მონაწილე პირებს საშუალება ჰქონდათ მოესმინათ ისეთი საკითხების შესახებ როგორებიცაა: ძალადობრივი ექსტრემიზმის კონტექსტუალური განხილვა და ძალადობრივ ექსტრემიზმთან ბრძოლის პოზიტიური საერთაშორისო პრაქტიკა. ასევე, ძალადობრივ ექსტრემიზმთან ბრძოლის გლობალური პროგრამების, რეპატრიაციის და რეინტეგრაციის შესახებ.
ტრენინგი მოიცავდა, როგორც სალექციო ნაწილს, ისევე პრაქტიკულ დავალებებს მონაწილეებისთვის. მათ ჰქონდათ შესაძლებლობა თემის ირგვლივ გაეზიარებინათ საკუთარი მოსაზრებები და მიეღოთ შესაბამისი უკუკავშირი.
ტრენინგი პროექტის „ძალადობრივი ექსტრემიზმისა და რადიკალიზაციის პრევენციისთვის საქართველოს შესაძლებლობების გაძლიერება“ ფარგლებში ჩატარდა. პროექტი, GCSD - ის მიერ, საქართველოში ნორვეგიის სამეფოს საელჩოს ფინანსური მხარდაჭერით ხორციელდება.
